நான்!!!

நான் ஒரு நதி
ஓடிகொண்டே உள்ளேன்
நற்பாதை தான்
என் வலி என்று கொண்டால்
நான் ஓடி புவியில்
பயன் ஒன்றும் இல்லை
தரிசை பசுமையாக்கி
உழவனுக்கு பரிசாய் தருவேன்
நன்றி இருந்தால்
என் பாதையை செப்பனிடுவான்
இல்லாதவன் என்னை தனதாக்கி
கொள்ள பார்ப்பான்
யாருக்கும் அடங்குவதில்லை நான்
யாருக்கும் புரிவதில்லை
அணை கொண்டு
என்னை அடக்கிட துணிந்தால்
முட்டி நான் பார்பேன்
முடியாது போனால்
மூழ்கடித்து போவேன்
நான் ஒரு நதி ஓடிகொண்டே உள்ளேன்
நற்பாதை தான் என் வலி என்று கொண்டால்
நான் ஓடி புவியில் பயன் ஒன்றும் இல்லை

உனக்கு கவிதை எழுத தெரியுமா என்றாய்
அதற்காகவே சிரத்தையாய் கிறுக்கினேன்
நன்று என்றாய் இன்னும் சிரத்தையாய் கிறுக்கினேன்
இன்று இன்னும் சிலரும் என் கிறுக்கல்களை ரசிக்கிறார்கள்

காதலின் வெளிப்பாடு

உன்னிடம் காதலை வெளிப்படுத்தும் முன்பே
உன்னை நான் காதலிக்க தொடங்கிவிட்டேன்
உன்னை நான் காதலிக்க தொடங்கும் முன்பே
என் இதயம் உன்னை காதலிக்க தொடங்கிவிட்டது
மனதின் வெளிப்பாடு தானே செயல்

அன்பின் வெளிப்பாடு

கன்னத்தில் முத்தமிட்டால் காதல்
நெற்றியில் முத்தமிட்டால் ஆசி
உதட்டில் முத்தமிட்டால் காமம்
என் கண்களில் முத்தமிட்டு
நெஞ்சில் முகம் புதைத்து கொண்டாயே
அன்பின் வெளிப்பாடுகள்
எப்போதும் வரைமுரைகளுள் வருவதில்லை

முத்தமா உன் தர்க்கமா

வாதம் தடித்து
வரம்புகள் தாண்டி
வசைகள் தொடங்கும் நிலையில்
உன் தர்க்கத்தை முடிக்கும் உபாயங்கள்
தோல்வியுறும்  வேலையில்
உன் உதடுகள்
வார்த்தைகள் உதிர்க்காதிருக்க
என் உதட்டால் கவ்வி பிடிக்கிறேன்
வாதங்கள் ஓய்ந்து
காதல் அரும்பும் வேலையில்
என்னிடம் விளங்காது நிற்கிறது ஒரு கேள்வி
வென்றது என் முத்தமா உன் தர்க்கமா

இயல்பு

உன் மீதான என் காதலுக்கு காரணங்கள் கேட்கிறாய்
ஆணின் மீது பெண்ணும்
பெண்ணின் மீது ஆணும்
காதல் கொள்வது தானே இயல்பு
இயல்புக்கு ஏதடி காரணங்கள்?

காதல்

காதல் ஒருமுறை தான் வரும் என்ற இலக்கிய வாதங்கள்
ஏன் எனக்கு பொருந்துவதில்லை
ஒரு வேலை அது ஒரு பெண்ணின் மீது ஒரு முறை தான் வரும் என்பதாக இருக்குமோ

நானும் நீயும்

உன்னை எனக்கு எவ்வளவு பிடிக்கும் என்றாய்
என்னை எனக்கு எவ்வளவு பிடிக்குமோ
அவ்வளவு

கண்களும்!! காதலும்!!!

உன்னிடம் காதல் வெளிபடுத்தும் தருணங்கள்
வாய்க்கும் போதெலாம் நானே தவிர்க்கிறேன்
நமக்குள் ஒருவரை ஒருவர் பிடித்திருந்தால்
நம் இருவர் கண்களை தவிர எல்லா கண்களுக்கும்
ஏதோ ஒன்று நம்மிடையே உறுத்தி கொண்டு தெரியும்
நமக்குள் பிடிக்கவில்லை என்றாலோ நம் இருவர் கண்களும்
ஒன்றை ஒன்று
சந்திப்பை வெறுத்து விலகும்
இதற்கு சொல்லாமலே இருந்து விடலாம்
அழகான காதலோடும் சுகமான வலிகளோடும்

என் காதல்

இயைந்து,
கெஞ்சி,
மன்றாடி,
அழுது பெறுவதற்கு
என் காதல் ஒன்றும்!!
உன் எச்சில் பிச்சை இல்லையடி!!!