நீண்டு கிடக்கும் நாட்கள்
தனிமையின் தாபம் பேசி இன்னும் நீழ்கிறது
நிலையற்று தளும்பும் நீரின் மேற்பரப்பென
நினைவு அலைபாய்கிறது
காற்றின் திசையில் விரையும் சருகென
மனம் உன் திசை பார்த்து தவிக்கிறது
புழுதி படர்ந்த புறவழிச்சாலையென
வெறிச்சோடிக்கிடக்கிறது நீ இல்லாத வீடு
காட்சி மயக்கமாய் வீடெங்கும் பரவிக் கிடக்கும் காதல் நினைவுகள்
விரகத்தின் தவிப்பை கூட்டுகிறது
நீ இனி போகும் போது என் நினைவையும் கொத்திப் போய்விடு
தனிமையை வலியை சுயநினைவின்றியே கடத்தலாம்
உன்னை தீண்ட காத்திருந்தேன்
பின் உன்னை சந்திக்க காத்திருந்தேன்
பின் உன் முகம் பார்க்க காத்திருந்தேன்
இன்று உன்னோடு பேச காத்திருக்கிறேன்
நாளை உன் குருஞ்செய்திக்காக காத்திருக்கும் நிலை வந்தாலும் காத்திருப்பேன்
காதல் சுமந்து
என் உயிர் நோகும் என தெரிந்தும்
உள்ளம் நோகும் என தெரிந்தும்
உயிர் இல்லா கூடென என் நிலை மாறும் என தெரிந்தும்
வார்த்தை ஈட்டிகளால்
என் உயிர் வதைத்தல் முறையா
ஆசைப்பட்டு என்ன பயன்
காதல் வளர்த்து என்ன பயன்
கட்டிய கூட்டில் வாழ முடியாத நாய் பிழைப்பு பிளைப்பவனுக்கு
காதலும் ஒரு கேடா
