உயிர்

நீரடித்து நீர் பிரியாது

உயிர் வெடித்து உறவு பிரியாது

உயிராய் கொண்டபின் உறவில் பிரிவேது

உறவில் உனக்கு புரிதல் 

இல்லையென்றாலும் 

உயிர் என்னைபிரிந்தால் நான் சவமில்லையா

நான் உயிர்த்திருப்பது 

உன் உணர்வால்

இல்லையா

சவம்

உறவென்பது காமமல்ல

உணர்வென்பது மோகமல்ல

துனையென்பது உடலல்ல

துஞ்சலென்பது இச்சையல்ல

இடரென்பது பிரிவல்ல

அன்பென்பது இசைவல்ல

காதல் என்பது களவல்ல

உயிர் சுமக்கும் கூடூ

உன்னையும் சுமக்கும்

என்றால்

உயிர் நீ அன்றோ

உணர்வும் நீ அன்றோ

உயிரும் உணர்வும் அற்றுப் போனால்

சவமன்றோ

நீ அற்ற நான் சவமன்றோ

காதல்

என் வார்த்தைகள் கொண்டு சொல்லாத போதிலும்

என் பார்வைகள் அர்த்தம் உனக்கு புரியாத போதிலும்

சுற்றம் பேசும் கேலிகள் உன்னை சேராத போதிலும்

என் இதயத்தின் தூது உன்னை வந்து சேராது போகினும்

என் நடத்தைகள் உன்னை ஈர்க்காது போயினும்

என் கவிதையின் காரணம் நீ அறியாது கடந்தாகினும்

என் சுற்றத்தின் உன் மீதான கரிசனம் 

நீ கவனிக்கத் தவறினும்

என் காதலை நீ உணரவே இல்லாத மோதிலும்

கடலில் விழும் மலையென என் உணர்வுகள் குணம் மாறினும்

உயிரின் வலியை உணராத நிலையிலும்

வற்றாது காதல்

வாழாத நிலையிலும்

வீழாது காதல்

தீரா நினைவு

தீ கணன்ற இடத்தில் படர்ந்த கரியென

நீ நிலைத்த இதயத்தில் படர்ந்தது நினைவுகள்

தனிமையின் வெம்மை

 நீண்டு கிடக்கும் நாட்கள்

தனிமையின் தாபம் பேசி இன்னும் நீழ்கிறது

நிலையற்று தளும்பும் நீரின் மேற்பரப்பென

நினைவு அலைபாய்கிறது

காற்றின் திசையில் விரையும் சருகென

மனம் உன் திசை பார்த்து தவிக்கிறது

புழுதி படர்ந்த புறவழிச்சாலையென

வெறிச்சோடிக்கிடக்கிறது நீ இல்லாத வீடு 

காட்சி மயக்கமாய் வீடெங்கும் பரவிக் கிடக்கும் காதல் நினைவுகள்

விரகத்தின் தவிப்பை கூட்டுகிறது

நீ இனி போகும் போது என் நினைவையும் கொத்திப் போய்விடு

தனிமையை வலியை சுயநினைவின்றியே கடத்தலாம்

காதல் சுமந்து

 உன்னை தீண்ட காத்திருந்தேன்

பின் உன்னை சந்திக்க காத்திருந்தேன்

பின் உன் முகம் பார்க்க காத்திருந்தேன்

இன்று உன்னோடு பேச காத்திருக்கிறேன்

நாளை உன் குருஞ்செய்திக்காக காத்திருக்கும் நிலை வந்தாலும் காத்திருப்பேன்

காதல் சுமந்து

உயிர் சுமந்த கூடு

 என் உயிர் நோகும் என தெரிந்தும்

உள்ளம் நோகும் என தெரிந்தும்

உயிர் இல்லா கூடென என் நிலை மாறும் என தெரிந்தும்

வார்த்தை ஈட்டிகளால்

என் உயிர் வதைத்தல் முறையா