ஈரம்

உன் வறண்ட உதடுகள் வருடினாலும்
உன் முத்தம் ஈரமே

தித்திப்பு

எத்தனை முறை முத்தமிட்டாலும் முத்தம் பெற்றாலும்
உதடுகளும் உதடுகள்  பதியும் இடங்களும்
ஒன்றாகவே இருந்தாலும்
ஈரமும் ஈர்ப்பும் இனிக்கும் அதன் ரசமும் ஒவ்வொரு முறையும் புதிதாக
தித்திக்கும்

நிலை

நீ நிலமாய் விரிந்தால் நான் மணலாய் படர்கிறேன்
நீ கல்லாய் சமைந்தால் நான் சிலையாய் அமைகிறேன்
நீ விதையாய் விழுந்தால் நான் நிலமாய் சுமக்கிறேன்
நீ நெருப்பாய் கணன்றாள் நான் குளிர் காண்கிறேன்
நீ மரமாய் எழுந்தான் நான் நிழலில் இளைப்பாறுகிறேன்
நீ நதியாய் நடந்தால் என் நிலம் வளமாகிறேன்
நீ மழையாய் பொழிந்தால் என் தாகம் தணிகிறேன்
நீ வெயிலாய் சுட்டாள் என் மேனி காய்கிறேன்
நீ என் நிலை கொண்டாலும் என் நிலை மாறி
 நான் உனை உள்வாங்கிக் கொள்கிறேன்
காதல் மாறாதது காதலால் நான் மாறுகிறேன்

முத்தமிடு

ஆற்றோனா துயரில் நீ அழுகையில்
ஆறுதலாய் நான் அணைக்கும் பொழுது
உன் முகம் என் மார்பில் புதைகையில்
உன் உதடுகள் பதிவதும் முத்தமே

மழலை முத்தம்

அப்பாவிற்கு முத்தம் கொடு என்றவுடன்
தன் பிஞ்சு உதட்டை என் கண்ணத்தில் பதித்த கணத்தில்
இத்தனை காலங்களில் நான் பெற்ற அத்தனை முத்தத்தின் சுகத்தையும்
 உடைத்து நொறுக்கி விட்டது
என் மகனின் ஆசை முத்தம்